સામગ્રી :-
૧ બ્રેડ લૉફ
૧ ટેબલ સ્પૂન લસણની પેસ્ટ
૨ ટેબલ સ્પૂન સફેદ માખણ (ઘરે બનાવીએ તે)
૨ ટેબલ સ્પૂન અમુલ બટર
ગ્રેટેડ ચીઝ (ખાવું હોય તેટલું) 🙂
૧ ટેબલ સ્પૂન બાફેલા મકાઈના દાણા
૧ ટેબલ સ્પૂન કેપ્સીકમ ઝીણા સમારેલા
૧ ટેબલ સ્પૂન ટમેટા ઝીણા સમારેલા (બી કાઢીને)
૧ ટેબલ સ્પૂન ડુંગળી ઝીણી સમારેલી
પેપરિકા અને ઓરેગાનો સ્વાદ પ્રમાણે
રીત :-
બ્રેડ લૉફની એકસરખી સ્લાઈસીસ કરી લો. હવે તેની એક બાજુ સફેદ માખણ અને બીજી બાજુ અમુલ બટરમાં મિક્સ કરેલી લસણની પેસ્ટ લગાવો, ઉપર બાફેલા મકાઈના દાણા, કેપ્સીકમ, ટમેટા અને ડુંગળીના ટુકડા ફેલાવી લો. છેલ્લે ઉપર ખમણેલું ચીઝ ભભરાવી લો. તૈયાર કરેલી બધી જ સ્લાઈસીસને ઑવનમાં હાઈ ટેમ્પરેચર પર બે મિનિટ રાખો ( ચીઝ ઓગળીને ફેલાય એટલું) અને ત્યાર પછી બે થી ત્રણ મિનિટ ગ્રીલ કરવા મૂકો.
ઑવનમાંથી બહાર કાઢીને તેના પર સ્વાદ પ્રમાણે પેપરિકા અને
ઓરેગાનો અથવા ઇટાલિયન સીઝનીંગ છાંટી લો.
બસ, પછી વધુ રાહ જોયા વિના એને ખાવા માટે તૈયાર થઈ જાઓ…. 🙂 સાથે ટોમેટો કેચપ હોય તો ય ભલે અને ના લ્યો તો પણ એનો સ્વાદ તો એટલો જ મસ્ત આવશે… સૂપ સાથે પણ જલસો પડશે…
એક મિનિટ… જરાક ઠરવા દેજો નહીતર ગરમ ચીઝ હેરાન કરી શકે છે… 😉
very good